Skip to primary navigation Skip to content Skip to footer

E Palma Generoso

Peticion pa donacion caricativo

The Giving Palm Aruba

De Palm Corporations ta un empresa priva y cu operacion local pa duna servicio na Aruba pa mas cu 60 aña.  E grupo di companianan cu ta forma De Palm Group ta consisti di un flota di vehiculonan di motor luhoso y Vannan Express, ofreciendo transportacion y recorido rond di nos isla, catamarannan luhoso pa paseonan riba lama /snorkel, vehiculonan Marrua y UTVnan pa recoridonan off-road, un submarino, un semi-submarino cu yama “SeaWorld Explorer” cual ta un observatorio cu ta move den lama y “De Palm Island”, un atraccion cu ta inclui tur cos y ta situa 600 meter for di costa di Aruba, cu facilidadnan di cuminda y bebida, parkenan aquatico, facilidad pa snorkel y otro actividadnan.  Nos ta brinda tambe servicionan di administracion pa reunionnan, incentivonan, conferencianan y eventonan. Cu nos flota di vehiculonan y yatenan y paketenan di recorido, nos ta e unico DMC na Aruba cu por provee full servicio.

Na De Palm nos ta reconoce cua ta e actividadnan di nos empresanan cu tin posibel impacto negativo den nos medio ambiente y e comunidad si e no ta maneha adecuadamente. Nos ta certifica “EarthCheck” (4 aña) via e programa di certificacion “EarthCheck” cu e intencion di mehora continuamente pa finalmente yega na e nivel platino y keda einan, operando mas tanto posibel den maneranan sustenibel y particularmente rebahando e uso di energia, awa y produccion di desperdicio. Nos tin rond di 375 miembro den nos team kendenan ta e Corazon di De Palm Tours.

 

E Palma Generoso (E palma cu ta duna)

Nos ta haci nos maximo esfuerzo pa ta un bon compania: nos ta busca pa cultiva un consenshi significativo, impulsa accionnan sostenibel y sea e standard di oro di con pa opera companianan relaciona cu biahenan na Aruba. Nos ta reconoce cu e actividadnan di nos compania por tin impacto negativo den nos medio ambiente y e comunidad si e no ta maneha adecuadamente. Pa logra un equilibro entre nos esfuersonan comercial y nos administracion ambiental y comunitario, nos ta sinti nos orguyoso di presenta “E Palma Generoso”. 

“E Palma Generoso” ta un fundacion interno cu nos ta usa pa referi colectivamente na nos esfuersonan di sostenibilidad, contribucionnan caricativo, voluntarionan y apoyo comunitario. Door di “E Palma Generoso”, nos ta financia varios organizacionnan y organizacionnan na Aruba cu ta alinea cu nos prioridadnan di donacion. E apoyo aki ta bin den hopi forma, manera:

  • Donacion Efectivo
  • Contribucion den formanan manera transporte of productonan/servicionan complementario
  • Utilisando nos recursonan, hermentnan, materialnan y equipo di nos compania
  • Trabounan voluntario realisa pa nos miembronan di nos team.

“E Palma Generoso” y nos esfuersonan ta financia principalmente pa De Palm Corporation. Ademas nos ta invita nos clientenan pa asocia cu nos y nos esfuersonan pa contribui na “E Palma Generoso” durante su proceso ora di reserva un servicio.

Nos Prioridadnan pa Donacion. 

Nos ta esforsa pa ta un bon empresa: nos ta busca pa cultiva un conscientisacion significativo,  promove actividadnan sostenibel y pa nos ta e standard di oro di con pa empresanan relaciona cu  biahenan pa Aruba ta opera. Nos comunidad tin prioridadnan ta enfoca riba: 

  • Nos muchanan-Esakinan ta programanan enfoca riba e mehoracion di scolnan, programanan pa yuda studiantenan tin exito y programanan dedica na yuda muchanan cu descapacidad fisico of cognitivo y esnan cu ta confronta dificultadnan.
  • Nos animalnan-Esakinan ta programanan cu ta sostene bienestar di animalnan manera rescate, adopción, criansa temporal, atención di veterinaria, campañanan di mantención di habitad y sterilizacion/castración.
  • Nos oceannan-Esakinan ta programanan cu ta sostene nos oceannan y ta mantene coralnan, limpiesa di nos beachnan y awanan territorial y proteha bida marino.

Nos cultura-Esakinan ta programanan cu ta promove tur facetanan di e cultura di Aruba, manera arte, idioma, tradición y custumbernan.

Eligibilidad

  • Pa ta eligible pa ricibi un donacion, un organizacion mester cumpli cu e siguiente criterianan:
  • Solicitud mester ta entrega via nos formulario riba nos website online.
  • E solicitud mester ta entrega por lo menos 30 dia prome cu e evento programa.
  • E solicitante mester ta un organizacion, grupo of fundacion. 
  • E peticion mester cuadra cu nos “Cuatro Prioridadnan di Duna” manera ta anota ariba.

Exclusionnan

E siguiente exclusionnan ta aplica:

  • Peticionnan individual of esunnan cu ta beneficio un persona so.
  • Projectonan cu ta crea un menasa pa e medio ambiente.
  • Organizacionnan of projectonan cu ta discrimina a base di genero, edad, orientacion sexual of raza.
  • Solicitudnan relaciona cu grupo/organizacionnan religioso, politico of cu fin di lucro.
  • Proyectonan cu tin objetivonan cuestionabel of cualkier elemento di extremismo.
  • Otro proyectonan cu nos ta considera cu no ta alinea cu e valornan di nos compania.

Aplica

Porfabor manda e aplicacion aki bou pa aplica!